Tuesday, 5 January 2016

Khud Ko Mita K Jin Ko Sar Buland Kar Gaye

Khud Ko Mita K Jin Ko Sar Buland Kar Gaye
Wo Log Hamein Dekh K Dar Band Kar Gaye

Ezn e Kalaam De Gaye Zabaan Kaat Kar
Azaad Kar K Bhi Hamein Paband Kar Gaye

Olaad Ko Jo Khaak Pe Soney Nahi Deta
Kal Us Ko Dafan Khaak Pe Farzand Kar Gaye

Hum Jin Ko Nahi Chaahte Wo Chaahte Rahe
Jo Thay Hamein Pasand Na Pasand Kar Gaye

Pehley Banaaya Hum Ko Apney Teer Ka Hadaf
Phir Muskura K Hum Ko Razaamand Kar Gaye

Hum Log Is Hayaat Ke Booseeda Kafan Mein
Lamhe Gham e Firaaq K Pevand Kar Gaye

Wafaa K Naam Mei Nuktaa Hi Ik Tha
Wo Naam e Wafa Likh K Qalam Band Kar Gaye

0 comments:

Post a Comment