Saturday, 2 January 2016

Kahin Chaand Raahon Mein Kho Gaya Kahin Chaandni Bhi Bhatak Gayi

Kahin Chaand Raahon Mein Kho Gaya Kahin Chaandni Bhi Bhatak Gayi
Mein Chaaragh Wo Bhi Bujha Huwa Meri Raat Kaise Chamak Gayi

Meri Dastaan Ka Urooj Tha Teri Naram Palkon ki Chaoon Mein
Merey Saath Tha Tujhe Jaagna Teri Aankh Kaise Jhapak Gayi

Kabhi Hum Mile Bhi To Kiya Mile Wohi Dooriyaan Wohi Faasley
Na Kabhi Hamaarey Qadam Barhey Na Kabhi Tumhari Jhijhak Gayi

Tere Haath Se Mere Hoont Tak Wohi Intizaar Ki Piyaas Hai
Mere Naam Ki Jo Sharaab Thi Kahin Raste Mein Chhalak Gayi

Tujhe Bhool Janey ki Koshishen Kabhi Kamiyab Na Ho Sakin
Teri Yaad Shaakh e Gulaab Hai Jo Hawa Chali To Lachak Gayi

0 comments:

Post a Comment