Sunday, 17 January 2016

Jaane kiyon jaan k anjaan bana betha hai

Jaane kiyon jaan k anjaan bana betha hai
itna khamosh ke bhagwan bana betha hai

Kitna masoom tha jab main ne use dekha tha
Aaj jo waqt ka sultaan bana betha hai

Mujh se wo door sahi phir bhi qareb hai itna
dil k aewaan mein mehmaan bana betha hai

Usko fursat hi kahan haal bhi poche mera
Rafta rafta jo meri jaan bana betha hai

Bhol jaon main usay ye to mumkin hi nahi
Wo mere dard ki pehchan bana betha hai

0 comments:

Post a Comment