Hum Ne Kis Din Tere Koochy Mein Guzara Na Kiya

Hum Ne Kis Din Tere Koochy Mein Guzara Na Kiya
Toony Ay Shokh Mgar Kaam Hamara Na Kiya

Aik Hi Baar Hui Wajha E Girftari E Dil
Iltfat Un Ki Nigahon Ne Dobara Na Kiya

Mehfil E Yaar Ki Reh Jaye Gi Aadhi Ronq
Naaz Ko Us Ny Agar Anjuman Aara Na Kiya

TaAn E Ahbab Suny Sarznash E Khalq Sahi
Hum Ny Kaya Kiya Tairi Khatir Sy Gawara Na Kiya

Jab Diya Tum Ny Raqeebon Ko Diya Jaam E Sharab
Bhool Kar Bhi Mairi Janib Ko Ishara Na Kiya

Roo Ba Roo Chasham E Tasvur K Wo Har Waqat Rahy
Na Sahi Aankh Ny Gar Un Ka Nazara Na Kiya

Gar Yahi Hai Sitam E Yaar To Hum Ny HASRAT
Na Kiya Kuchh Bhi Jo Dunya Sy Kinara Na Kiya

Poet Hasrat Mohani

Comments