Ay Hussn e Lala Faam Zara Aankh To Mila

Ay Hussn e Lala Faam Zara Aankh To Mila
Khaali Parray Hein Jaam Zara Aankh To Mila

Kehte Hein Aankh Aankh Se Milna Hai Bandagi
Duniya K Chorr Kaam Zara Aankh To Mila

Saaqi Mujhe Bhi Chaahiye ik jaam e Aarzoo
Kitney Lagein Gay daam Zara Aankh To Mila

Ye Jaam Ye Sabu Ye Tasawwur Ki Chaandni
Saaqi Kahaan Madaam Zara Aankh Tou Mila

Aa Jaaye Gaa Yaqeen e Khuda Sab Ko Yakk Ba Yak
Le K Khuda Ka Naam Zara Aankh To Mila

Pamaal ho Na Jaaye Sitaaron Ki Aabroo
Ay Mere Khush Kharaam Zara Aankh To Mila

Hein Raah e Kehkashaan Mein Azal Se Kharray Huwey
Sagar Teray Ghulaam Zara Aankh To Mila
Ay Hussn e Lala Faam Zara Aankh To Mila Ay Hussn e Lala Faam Zara Aankh To Mila Reviewed by Murad Khan on January 15, 2016 Rating: 5

No comments:

Powered by Blogger.