Thursday, 17 December 2015

Raston Ki Marzi Hai

Raston Ki Marzi Hai
Be zubaan Logon ko
Be Qarar Aankhon ko
Badnaseeb Qadmon ko
Jis tarf bhi Lay jayen
Raston ki marzi hai

Be Nishaan jazeeron per
BadGuman shehron mein
Be zubaan musafir ko
Jis tarf bhi bhatka dain
Raston ki marzi hai

Ajnabi koi Laa kar
Hum safar bana daLain
Saath chaLne waLon ki
Raakh bhi urra daLain
Yeh musaaftain sari
Khaak mein miLa daLain
Raston ki marzi hai

Rok Lain ya barhnay dain
Thaam Lain ya Girnay dain
WasaL ki Lakiron ko
Torr dain ya miLnay dain
Raston ki marzi hai

0 comments:

Post a Comment