Thursday, 17 December 2015

Meri Raaton Ki Raahat Din Ka Itmenan Le Jaana

Meri Raaton Ki Raahat Din Ka Itmenan Le Jaana
Tumhare Kaam Aajaye Ga Ye Samaan Le Jaana

Tumhare Baad Kiya Rakhna Anaa Say Waasta Koi
Tum Apne Saath Mera Umar Bhar Ka Maan Le Jaana

Shikasta Ke Kuch Raize Pharre Hain Farsh Par Chun Lo
Agar Tum Jorr Sakte Ho To Ye Ghuldaan Le Jaana

Udhar Almariyon Main Chand Oraaq E Pershaan Hain
Mere Ye Baaqi Manda Khuwaab Meri Jaan Le Jaana

Tumhain Aese To Khali Haath Rukhsat Kar Nahi Sakte
Puraani Dosti Hai Is Ki Kuch Pehchaan Le Jaana

Iraada Kar Liya Hai Tum Ne Ghar Sach Much Bicharne Ka
To Phir Apne Ye Saare Waada O Paimaan Le Jaana

Agar Thorri Bohat Hai Shairy Say Un Ko Dil Chaspi
To Un Ke Saamne Tum Mera Ye Deewan Le Jaana

0 comments:

Post a Comment