Wednesday, 16 December 2015

Main jab us se kehta hon

Main jab us se kehta hon
Mujhe tum se mohabbat hai
Naffi mein sar hiLaati hai
Nigaahon ko jhukaati hai

HatheLi saamne rakh kar
kisi ka naam Likhti hai
Mutthi band karti hai
Aankhon se Lagaati hai
Phir uss ko choom Leti hai
achanak boL uthti hai

Mujhe is se Mohabbat hai
yahi to mera sab kuch hai
Ye sab kuch saamne pa kar
main bohat bezaar hota hon
Mujhe bezaar paati hai
to khud bhi reh nahi paati

Mutthi khoL deti hai
jo mutthi khoL deti hai
Mera hi naam hota hai
Mujhe woh youn sataati hai

0 comments:

Post a Comment