Saturday, 12 December 2015

Koi jazba adhora reh gaya hai

Koi jazba adhora reh gaya hai
December Aansuon mein beh geya hai

Yeh diL khamosh ho kar reh gaya hai
Najane aaj woh kya keh gaya hai

Yeh Aankhain hain hamari kitni gehri
Samundar mein samundar beh gaya hai

Tumhare sath wabasta tha sab kuch
Siwaye yaad ke kya reh gaya hai

PaLat kar dekhne par hum ne jaana
DiL e nadaan kya kya seh gaya hai

Bohat bheerr hai Bazaron main Lekin
Tera Arshad akeLa reh gaya hai

0 comments:

Post a Comment