Friday, 18 December 2015

Ajab Ijaz Hai Teri Nazar Ka

Ajab Ijaz Hai Teri Nazar Ka
Ke Hum Bhoole Hain Rasta Apne Ghar Ka

Sahar Aai To Yad Aaye Wo Taare
Pata Jin Se Mila Hum Ko Sahar Ka

Chale Ho Chor Kar Pehle Qadam Par
Chale Thay Sath Dene Umar Bhar Ka

Baharein Aa Gai Meri Zindagi Mein Tum Aaye
Duaon Ne Bhi Moonh Dekha Asar Ka

Haqeeqat Kia Fareb E Aagahi Hai
Nazar Bhi Aik Dhoka Hai Nazar Ka

Adam Se Bhi Pare Thi Apni Manzal
Safar Anjam Tha Apne Safar Ka

Meri Aankhein Hoi Nam Naak
Khayal Aaya Kisi Ki Chashm E Tar Ka

Poet Kashif Nadeem

0 comments:

Post a Comment